先知式想像

最近開始接受先知式服侍訓練。

所謂先知式服侍，包括先知式講道、禱告，透過聖靈帶領，就教會、信徒的獨特情況進行解經、發預言、解夢等等。有兩個原則：

1 內容須合乎正典教導

2 達至安慰、造就、勸勉的牧養目的

我認為這屬於處境釋經，甚至是追求精準切入。不少傳統教會或會擔心，這樣做很容易解錯經。不過，大家擔心的時間卻又沒有提供如何解得「對」的方案。標準在哪裡？所謂風水佬可以騙你十年八年，最後大家就有咁闊解咁闊，例如按字面解神愛世人就一定無錯 (神愛世界都唔係好多人夠膽講)。正如疫情係未來20日會有關鍵性發展．．．．．

以前看過Walter Brveggemann的《先知式想像》，在上帝新創造的基礎上創造能量和可能性。用「想像力」解放神的話語，重新建構對神國度的理解。但至於點樣實踐，佢就冇點介紹。最近睇readings時發現，好多學者都提出「想像」這個詞。記得好久以前有套西片叫《發條橙》（A Clockwork Orange），個男主個坐監時冇書睇，就係睇《聖經》時係個腦諗到好多佢覺得「好正」既野（三級架 ><）。

所以「想像」好睇個人對聖經、對世界的認知。睇開武俠片既人會好明白大俠點樣講野，讀入聖經到就可能覺得拿刀果啲都係大俠。正如周星馳係電影《回魂夜》講，我地對每樣野既理解都係信念問題，當你驚隻鬼時，佢未過你咬你你已經驚到要走，邊個話你知鬼係恐怖？

舊約聖經有那麼多充份詩意、隱喻和象徵的部分，似乎也不是能單單按人類的經驗和認知去解釋。所以好多教會都唔太鍾意講舊約，我咁大個仔都係係而家間教會會講雅歌，甚至成為季度主題。

似乎，我地要大膽去接受一些「解釋唔到既」解釋。聖靈默示聖經，當然要靠引領我們進入真理。但個focus就會轉移咗去驗靈，唔係釋經本身。「先知性服侍」有一個屈機的地方，準唔準係驗證到：我讀唔讀到你心你會即刻知，最多你肯唔認、忍住啲眼淚。或者，就住每個時代、每個群體、每個人對聖經都有不同的理解。